admin
අම්බලන්ගොඩ පෝරඹ ශ්‍රී සුගතබිම්බාරාම විහාස්ථානයේ අභිනවයෙන් ප්‍රතිසංස්කරණය වූ නව විහාර මන්දිරය විවෘත වූ අවස්ථාව සදහා එක්විය. එම විහාර මන්දිරය ප්‍රදේශයේ ධානපති චන්ද්‍රිකා වික්‍රමසිංහ මහත්මියගේ ධන පරිත්ත්‍යාගයෙන් ප්‍රතිසංස්කරණය කිරීම සිදුකෙරිණි…
එම පුණ්‍ය අවස්ථාව සදහා විහාරධිපති පූජ්‍ය තැන්නෙකුඹුරේ සුමන හිමියන්ගේ ආරාධනයෙන් අම්බලන්ගොඩ ශ්‍රී සුනන්දාරාම විහාරාධිපති පූජ්‍ය මොලිගමුවේ ධම්මවිමල හිමියන් ප්‍රමුඛ, අම්බලන්ගොඩ නාගරික මන්ත්‍රී අතුල ප්‍රියන්ත මහතා, අම්බලන්ගොඩ සුගතබිම්බාරාම විහාස්ථ දායක සභාවේ සභාපති, හිටපු නාගරික මන්ත්‍රී දෙව් රොහාන් මහතා ඇතුළු ප්‍රදේශවාසින් පිරිසක් සහභාගී වූහ..
සම්මා සම්බුදු රජාණන් වහන්සේගේ දකුණ දළදා වහන්සේ නමක් වැඩසිටින ඓතිහාසික සෝමාවති පුදබිමේ පිබිදෙමු පොලොන්නරුව ව්‍යාපෘතිය යටතේ රුපියල් කෝටි 7ක වියදමින් වැඩනිමකල තෙමහල් ධර්මශාලා මන්දිරය,දෙමහල් සනීපාරක්ෂක පද්ධතිය ශ්‍රී සම්බුද්ධ ශාසනයේ චිරස්ථිතිය උදෙසා පුජා කිරිමේ පුණ්‍යෝත්සවය මාගේ ප්‍රධානත්වයෙන් අද (07) සිදුවිය.
මේ අවස්ථාවට මහා සංඝරත්නය මෙන්ම රාජ්‍ය අමාත්‍යවරුන් වන විදුර වික්‍රමනායක මහතා,රොෂාන් රණසිංහ මහතා,සිරිපාල ගම්ලත් මහතා,පාර්ලිමේන්තු මන්ත්‍රීවරුන් වන විජේදාස රාජපක්ෂ,අමරකිර්ති අතුකෝරළ යන මහත්වරුන්ද සහභාගි විය.
