ලේ දන්දීම සඳහා සහභාගී වූ සෑම කෙනෙකු සඳහා ශ්‍රී.ලං.නි. පක්ෂය විසින් ලබා දෙන සහතිකයක් පිරිනමන ලදි. කොළඹ දිස්ත්‍රික්කය පුරා ආසන සංවිධායකවරුන්ගේ මෙහෙයවීමෙන් මෙවැනි වැඩසටහන් 19ක් ක්‍රියාත්මක කිරීමට නියමිත අතර මෙදින පැවැත්වූයේ හයවන වැඩසටහනයි.
මෙම ලේ දන් දීමේ වැඩසටහන අවිස්සාවේල්ල ආසනයේ ප්‍රධාන සංවිධායක සුමිත් විජයමුණි සොයිසා මැතිතුමා ඇතුලු අවිස්සාවේල්ල ශ්‍රී. ල.නි.ප. ආසන බල මණ්ඩලය විසින් සංවිධානය කර තිබුණු අතර එම අවස්ථාවට පාදුක්ක ප්‍රදේශිය ලේකම්තුමා, සීතාවක ප්‍රාදේශීය සභා මන්ත්‍රී උපුල් චන්දන මහතා ඇතුළු ආසන බල මණ්ඩලයේ සමාජිකයන් සහභාගී විය.
