ශ්‍රී ලංකා නිදහස් පක්ෂයේ 70 වෙනි සංවත්සරයට සමගාමීව දීප ව්‍යාප්තව පවත්වනු ලබන ලේ දන්දීමේ වැඩසටහන, ශ්‍රී ලංකා නිදහස් පක්ෂ සංවිධාන ජාලය හරහා සංවිධාන කිරීමට කටයුතු යොදා ඇත. එම වැඩසටහන යටතේ කොළඹ දිස්ත්‍රික්කයේ ශ්‍රී ජයවර්ධනපුර කෝට්ටේ ආසනයේ රාජගිරිය, ඔබේසේකරපුර පට්ඨාන විහාරස්‌ථානයේදී ලේ දන් දීමේ වැඩසටහනක් අද(04)දින පැවැත්වුණි.ලේ දන්දීම සඳහා සහභාගී වූ සෑම කෙනෙකු සඳහා ශ්‍රී.ලං.නි. පක්ෂය විසින් ලබා දෙන සහතිකයක් පිරිනමන ලදි. කොළඹ දිස්ත්‍රික්කය පුරා ආසන සංවිධායකවරුන්ගේ මෙහෙයවීමෙන් මෙවැනි වැඩසටහන් 19ක් ක්‍රියාත්මක කිරීමට නියමිත අතර අද දින එහි තෙවැනි වැඩසටහන පවත්වන ලදි.
